Nojer ka Gunung Parang


Dinten minggu kamari abdi saparakanca nojer bareng, rute nu disorang nyaeta Purwakarta – Plered – Gunung Parang – Sela Awi – Purwakarta, jarakna kirang-langkung tujuh puluh kiloan. Wanci haneut moyan peserta anu mikacinta gowes (atanapi nojer) atos ngarumpul, tepatna payuneun Dealer Kawasaki (Sentosa Motor/ Sentosa Bike). Bubuhan diluluguan ku jeger kahot (maksadna jeger tina perkawis nojer) teu burung perserta teh kaetang seueur, dua puluh jalmi mah moal kirang, perserta diantawisna ti Grup Puma, Grup Pa Erte, sareng umum, sesana weh atlet-atlet Sentosa (Amin, Dikdik, Koko, Lela, Dinda, sareng nu laina—teu apal sadaya tuda, hihi).

Dina waktos anu manjing, jeger sentosa (maksadna anu ngagaduhan sentosa, hehe) Om Sensen—anu ngaluluguan acara tea—mimpin doa bareng, supados perjalanan lancar tur salamet teu aya itu sinareng ieu, tuluy nojer bareng teh dimimitian ku anjeuna.

Ngaleut ngeungkeuy ngabandaleut ngembat-ngembat nyatang pinang, saur Dalang mah. Teu kacarios tanjakan sareng rintangan anu disorang—da abdi boro-boro ngemutan sabaraha tanjakan sareng sakumaha curamna, nu puguhmah hah-heh-hoh menikmati rasa pegel, panas pingping, panas tonggong, nyeri cangkeng, pegel imbit, kesang ngoplot sa awak-awak, komplit pokona mah (henteu sugan pake telor mah, hehe)—kocapkeun abdi saparakanaca atos nepi ka puncak atanapi pertengahan perjalanan, peserta umumna ngalalungsar bari rumahuh, timbelna dibagikeun (nasi kotak geratis ti sentosa, edun pokona mah) brak weh dalahar meni paronyo pisan.

Beres istirahat, perjalanan diteruskeun deui. Rute tanjakan ngadominasi perjalanan, teu kaetang medan batu sareng taneuh mah, jalan coran, jalan aspal nu rusak, leuweung awi, jeung sajabana. Keur raos-raos nojer, ngadadak asa beurat. “Alaaahh.. ban bitu, aya-aya wae!” Ban serep teu mekel, kitu deui peralatan nambal, mangkaning tengah leuweung jauh kaditu jauh kadieu boro-boro aya tukang tambal ban, imah penduduk ge teu aya. Tungtungna kapaksa sapedahku tersayang ditaekeun kana mobil. Halaah..

Saterasna abdi ngiring kana mobil konsumsi anu nuturkeun peserta nepi ka Purwakarta deui. Aya untungna tiasa poto-poto heula sakedap :D. Perjalanan rengse ba’da lohor.

Haturnuhun pisan ka Sentosa Bike anu tos ngayakeun acara, sareng Penggurus ISSI Purwakarta anu parantos ngawal, pasilitas kanggo peserta oge lengkap etangan geratis mah (mobil angkutan kanggo sapeda, mobil konsumsi sareng P3K, motor pengawal, jsb). Diantos acara salajengna.

Advertisements

About Zaharudin

Setiap Orang Adalah Raja
This entry was posted in Berbagi Cerita, Gowes. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s